(تصویر مرحوم زنده یاد استاد محمد حسین بهجت شهریار)
*بایرام یئلى چارداخلارى ییخاندا
نوْروز گوْلى قارچیچکى چیخاندا
آغ بولوتلار کؤینکلرین سیخاندا
بیزدن ده بیر یاد ائلییه ن ساغ اوْلسون
دردلریمیز قوْى دیّکلسین ، داغ اوْلسون*
*
*
*حیدربابا ، سنون اوزون آغ اوْلسون
دورت بیر یانون بولاغ اولسون باغ اوْلسون
بیزدن سوْرا سنوْن باشون ساغ اوْلسون
دوْنیا قضو قدر ، اولوم ایتیمدى
دوْنیا بوْیى اوْغولسوزدى ، یئتیمدى*
*
*
* حیدربابا ، یولوم سنن کج اوْلدى
عومروم کئچدى ، گلممه دیم ، گئج اوْلدى
هئچ بیلمه دیم گؤزللروْن نئج اوْلدى
بیلمزیدیم دونگه لر وار ، دؤنوم وار
ایتگین لیک وار ، آیریلیق وار ، اولوم وار *
*
*
*حیدربابا ، میراژدر سَسلننده
کَند ایچینه سسدن - کوْیدن دوْشنده
عاشیق رستم سازین دیللندیرنده
یادوندادى نه هؤلَسَک قاچاردیم
قوشلار تکین قاناد آچیب اوچاردیم*
*
*
*شنگیل آوا یوردى ، عاشیق آلماسى
گاهدان گئدوب ، اوْردا قوْناق قالماسى
داش آتماسى ، آلما ، هیوا سالماسى
قالیب شیرین یوخى کیمین یادیمدا
اثر قویوب روحومدا ، هر زادیمدا*
*
*
* حیدربابا ، قورى گؤلوْن قازلارى
گدیکلرین سازاخ چالان سازلارى
کَت کؤشنین پاییزلارى ، یازلارى
بیر سینما پرده سى دیر گؤزوْمده
تک اوْتوروب ، سئیر ائده رم اؤزوْمده*
*
*
*حیدربابا ، قره چمن جاداسى
کربلیا گئدنلرین قاداسى
دوْشسون بو آج یوْلسوزلارین گؤزوْنه
تمدّونون اویدوخ یالان سؤزوْنه*
*
*
*حیدربابا ، شیطان بیزى آزدیریب
محبتى اوْرکلردن قازدیریب
قره گوْنوْن سرنوشتین یازدیریب
سالیب خلقى بیر-بیرینن جانینا
باریشیغى بلشدیریب قانینا*
*
*
* گؤز یاشینا باخان اوْلسا ، قان آخماز
اینسان اوْلان خنجر بئلینه تاخماز
آمما حئییف کوْر توتدوغون بوراخماز
بهشتیمیز جهنّم اوْلماقدادیر
ذى حجّه میز محرّم اوْلماقدادیر*
*
*
*خزان یئلى یارپاخلارى تؤکنده
بولوت داغدان یئنیب ، کنده چؤکنده
شیخ الاسلام گؤزل سسین چکنده
نیسگیللى سؤز اوْرکلره دَیَردى
آغاشلار دا آللاها باش اَیَردى*
*
*
*داشلى بولاخ داش-قومونان دوْلماسین
باخچالارى سارالماسین ، سوْلماسین
اوْردان کئچن آتلى سوسوز اولماسین
دینه : بولاخ ، خیرون اوْلسون آخارسان
افقلره خُمار-خُمار باخارسان*
*
*
*حیدر بابا ، داغین ، داشین ، سره سى
کهلیک اوْخور ، دالیسیندا فره سى
قوزولارین آغى ، بوْزى ، قره سى
بیر گئدیدیم داغ-دره لر اوزونى
اوْخویئدیم : » چوْبان ، قیتر قوزونى*
*
*
*حیدر بابا ، سولى یئرین دوْزونده
بولاخ قئنیر چاى چمنین گؤزونده
بولاغ اوْتى اوْزَر سویون اوْزوْنده
گؤزل قوشلار اوْردان گلیب ، گئچللر
خلوتلیوْب ، بولاخدان سو ایچللر*
*
*
*بیچین اوستى ، سونبول بیچن اوْراخلار
ایله بیل کى ، زوْلفى دارار داراخلار
شیکارچیلار بیلدیرچینى سوْراخلار
بیچین چیلر آیرانلارین ایچللر
بیرهوشلانیب ، سوْننان دوروب ، بیچللر*
*
*
*حیدربابا ، کندین گونى باتاندا
اوشاقلارون شامین ئییوب ، یاتاندا
آى بولوتدان چیخوب ، قاش-گوز آتاندا
بیزدن ده بیر سن اونلارا قصّه ده
قصّه میزده چوخلى غم و غصّه ده*
*
*
*قارى ننه گئجه ناغیل دیینده
کولک قالخیب ، قاپ باجانى دؤیَنده
قورد گئچینین شنگوْلوْسون یینده
من قاییدیب ، بیرده اوشاق اوْلئیدیم
بیر گول آچیب ، اوندان سورا سولایدیم*
.
.
.
پایانبخش 1، ادامه مطلب بزودی. بیا تو ماه رو به خاطر بسپار ...Bia2Mah.rozfa.com
.
.
منتظر پست های جدید ما همراه با بقیه اشعار ترکی شهریار باشد..